السلام عليكم
اليوم انه يايب لكم قصة حلوة ومؤثرة وعبرة لكل من يعتبر بالقصص .....!!!!
القصة اسمها كما تدين تدان .
المهم ..
القصة احداثها تقول انه كان في مرة شابة جملية وكل شاب يتمناها وتقدم لها واحد هي كانت تحبه من قبل والله وفق بيناتهم وتزوجوا ....... في ليلة عرسهم اخذ المعرس زوجته وراحو بيتهم يتعشون ولمن كانو يتعشون صاح جرس البيت فطنغر الريال فقامت تهديه زوجته وقامت فتحت الباب وهي واقفة ورا الباب تسال من عند الباب ؟؟؟؟؟ فرد عليها واحد يقول لها انه سائل ابي بعض الطعام ..... فراحت المرة حق ريلها وطبعا سالها من عند الباب فقالت له سائل يريد بعض الطعام فثار غضبه الريال وطلع حق هاذي المسكين وضربه وطرده من بيتهم وحلفه انه مايرجع مرة ثانية .... في نفس اللحظة دش الريال حق مرته ومرة وحدة صده مس دخل فيه جني وقام يصرخ وطلع برع البيت مثل المجنون ... خافت المرة وتمت اتصيح على ريلها انه ماتدري اشصاده مرة وحده ولارجع لها ......
المهم عقب خمسة عشر سنة تقدم حق هاذي المرة ريال وكانو يقولون عنه انه ريال متدين وزين ومصلي وخايف ربه فوافقت عليه وبعد في ليلة عرسهم لما خذ زوجته البيت عشان انهم يتعشون صاح جرس البيت وقامت المرة بعد فتحت الباب ومن ورا الباب تسال من عند الباب فرد عليها سائل يريد بعض الطعام فرجعت المرة حق ريلها تصيح وتصيح سالها ريلها اشفيج يامرة سبج اللي عند الباب قالت لا قالها طقج قالت لا وكل ماقال لها شي قالت لا ورد عليها عيل اشفيج تصيحين قالت له الريال اللي عند الباب واللي يسئل عن الطعام هاذي كان ريلي من خمسة عشر سنة وفي نفس هاذي الوقت من اول ليلة زفافنه طلع حق سائل كان يبي بعض الطعام وانهل عليه بالضرب فصاح ريلها و سالته اشفيك تصيح غلطت عليك قال لها لا قال لها السائل اللي ريلج ضربه هاذي انه ...................... فاخذ الريال الطعام ووداه حق ريلها القبلي اللي الحين يسئل الناس حق طعام من بيت لي بيت وقال حق مرته اللي يزيد من عنده احنه بناكله ......
جوفو كيف ارتدت السالفة اذا عاملت الناس بطيب بتلقى الطيب واذا عاملت الناس بنفس شينة ودست في بطنهم
بتلقى اللي يعاملونك بنفس شينة وبيدوسون في بطنك
يسلمووو على مروركم . بانتظار ردودكم
الثلاثاء أبريل 22, 2008 7:50 pm
