ثلاث اشهر نجد ندرس
لجل نجني اعلى الدرجات
ثلاث اشهر لسان الحال
يلهج يذكر الدعوات
ثلاث اشهر هجرنا النوم
هجرنا الدنيا والذات
لجل نوصل الى القمه
نزلنا لأسفل الدرجات
وذقنا الويل والحسره
لجل نوصل ثرى الجنات
نصلي نبتهل ندعي
نثابر نهزم الشدات
يجينا سم بالاخر
اسمه امتحان رياضيات
درسناله ثلاث ايام (سبت -احد-اثنين)
ما فيها لعب ما بيها بيات
ثلاث الاف مسألةٍ
بهن كتاب تمرينات
نسخناها حفظناها
أكلناها بدل الاقوات
طمحنا للنصر للعز
للقمه للبطولات
لقينا القاع ب الأخر
سرحنا بعالم الاموات
يجي نيوتن يجي ريمان
يجي اينشتاين بالمعادلات
حرامٍ يقعد لبكره
يفك اللغز والشفرات
يبونا ننتخي نحله
بنصٍ مع ثلاث ساعات
أبالله كيف انا ابني برج
وتعطيني عشر لبنات (طابوقات)
حرامٍننتهي للموت
نضيع جهد هالسنوات
يجي الاستاذ يواسينا
يقوللنا الي فاتك مات
يقولي اجتهد وادرس
وعوض كل ها الي فات
اقله كيف يا مدرس
وسهم الموت بعقلي فات
ادرس(a)وادرس(b)
ولحق عالثلثميات
حرام نروح كضحيه لخطأ
وتنمحي الغايات
ونشرب كاس غداره
ونحلم نسكن النجمات
نذوق الويل والحسره
ومن خلف أبد ما مات
واذا النووي نكبة هيروشيما
فنكبتنا الرياضيات
الأربعاء أبريل 23, 2008 1:51 am
